අපොයි ඇගේ ලී ගේට්ටුව
වැනෙයි දැන් හතර අත
වියපත් ඇගේ ඇස් දෙක
බලා හිදී ගේට්ටුව ලඟ
අත ලඟට වැඩකාරයෝ නැත
හිත් අගට සැනසිල්ල නැත
නමුදු ඇගේ ඒ දෑස් මත
බලාපොරොත්තුවෙ ගිනි දැල්ල ඇත
බොලොක් ගලෙන් වැටෙන වැලි කැට
වහලයෙන් වැටෙන පිනි කැට
තවම පන ඇත කොදු ඇට
ඇයට ඒ ගානක් නැත
හෙට දින යලිත් හිරු දැක
හිරුටත් කලින් ඔහු දැක
මැරුනත් ඈට කම් නැත
තවම ඈ ගේට්ටුව ලඟ
-සුනෙත් වෙඩිවර්ධන-
No comments:
Post a Comment