නුඹ දැකිය යුතු නුබ
කිසිදිනක නුඹ නෙතට
මුණගැහෙන්නේ නැති
නුඹ හිසට ඉහලින්
නිරුවත්ය නුබ
සියොත් තටු සලකුණක් නැති
මේඝ පියසටහනක් වත් නැති
දිනිදු ගිලගත් සිඳුතෙරේ ඉම
ඉදන් පෙරදිව ක්තිජ ඉම තෙක්
නග්න වූ නුබ
නමුදු තව නුඹ නෙතට
හසුනොවුනෙ කිම
නුඹ නෙත් ඉදිරියේ
නග්න වූ නුබ
කිසි දිනක නුඹ
නෙත් නොදුටු නුබ
ඉදිරියේ නුඹ
නග්න මගේ හද
මේඝයෙන් විලිවසා ගත්පසු
නොපෙනේවි යළි කිසිවෙකුට
නුඹ නුදුටු නුබ
වූ මගේ හද
-සුනෙත් වෙඩිවර්ධන-
No comments:
Post a Comment