ඇහැළ මල් පූදින්න
ඇඟිලි ගනිනා අතර
හිත් මලක් පූදින්න
දඟලනා තරමක්
වරම් නැති පෙමක් ලඟ
තරම් නැති වුවත් මට
අහිමි නුඹෙ හිත් මලට
පෙම් කරන තරමක්
නුඹෙන් අවසර නොගෙන
හොරැහින්ම කවි ලියන
නුඹ විඳින මගේ පෙම
එක්තරා කවියක්
විදිනවාවම මිසක
හදවතට නොදැනුනත්
නුඹ විඳින මගේ පෙම
එක්තරා කවියක්
වළා නැති සියොත්මග
පෙමින් කැටයම් කරන මේ
සිත්තරා කවියෙක්
විඳින්නට සිතක් නැති
නමුත් ලෝකෙටම හොරැහින්
නුඹ විඳින මගේ පෙම
එක්තරා කවියක්
- ආදරේ කියන්නේ නොහික්මුණු කළාවක් -
- සුනෙත් වෙඩිවර්ධන-
No comments:
Post a Comment