දාර ගොළු බෙල්ලෙක්"බාත් රූම්"
"වොෂ් රූම්"
"කොමඩ්"
පොෂ් එවුන් යන තැන
මන් යන්නේ නානකාමරේ
ඇතුලේ තියෙන ලැට් එකට
සිංහලෙන් "වැසිකිලිය"
දැන් තියෙන ප්‍රශ්නේ
“ගොළු බෙල්ලා“ කොහොමද ආවේ
අම්මා හැමදාම
හෝදනවා පොලව
ටයිල් කැට දිලිසෙනවා
ලයිසෝල් හින්දම
සැම්පො බෝතල් බදු අරන් සින්ක් එක
බිත්තියේ ටැප් එක
තමයි හැමදේටම
“ ප්ලෂර් එක “
සිංහලෙන් කියන නම දන්නේ නෑ මම
ඒකේ පැත්තෙන් එල්ලෙනවා ලනුවක්
ඒක ඇද්දාහම හේදෙනවා ලැට් කට
ගොළු බෙල්ලා ඉන්නේ
ඒකෙන් වතුර යන බටේ උඩ
දියසෙවල කාලම ලොකු වෙලා හොදටම
තඩි ගොළු බෙල්ලෙක්
සර්පිලාකාර ඔළුවක්
සෙවල පිරිච්ච ඇඟක්
හැම ගොළු බෙල්ලටම
තියෙන ජාතියේ
ටිකක් ලොකු කටුවක්
ඔව් ඉතින් ඌත් ගොළු බෙල්ලෙක්
ඕක දැක්කහම
දුවන් ඇවිදින් ගෙට
කෑගහලා කිව්වා
"අම්මා" අපේ ලැට් එකේ “බෙල්ලෙක්“
“මොකද මෝඩයෝ කෑ ගහන්නේ “
මන් ආසම වචන සැට් එක
අම්මා වෙන කතාවක
බෙල්ලා ඔහෙ හිටියා තව
පහුවෙනිදා උදයෙම බෙල්ලා හිටියා බිම
ඇගිලි දෙකකින් කටුව අල්ලන්
ගිහින් දැම්මා මිරිස් පාත්තිය පැත්තට
දැන් එතන තවත් ගොළු බෙල්ලෙක්
ඈතින් ඇහෙනවා
"මොකක්ද මෝඩයෝ ඒ කරපු වැඩේ.."
අවුලක් නෑනේ
මොකද දැන් නෑ
අපේ ලැට් එකේ බෙල්ලෙක්
හැබැයි
මිරිස් පාත්තියෙ තවත් ගොළු බෙල්ලෙක්
-සුනෙත් වෙඩිවර්ධන-
No comments:
Post a Comment