ලඟ හිටියේ
නුඹ දෙසම බලාගෙන
රණ මොණරි පිල් විහිදාන
නුඹ රඟනවා බල බල
දුටුවෙ නැහැ නේද ?
කොහොමටත් රෑ හින්දා
හරි කළුවරට තිබුනා
කළු වලාකුළු පිරුනු රෑ අහස
හරි සීරුවට වැහි බින්දු වැටුනා
පිනි සීතලත් හරි තදට තිබුනා
සුදු වුනත් හරි අඳුරු එලියක්
විදුලි බුබලක් සහය දුන්නා
දුටුවාද මාව
හුනු නොගෑ තාත්පයකට
මුක්කුවක් ගහගෙන තනිවෙලා හිටියා
තනිකකුලකින් හිටගෙන
නුඹ ගැනම හිත හිත
දුටුවෙ නැහැ නේද ?
ගිනි පුපුරු හද මඩල තැළුවා
උන් අල්ලදි මන් නොඇල්ලූ ඒ දෑත
සෙනෙහසින් නුඹ රැකගත්ත මගෙ
හදවතේ දොර පියන් මට හොරෙන් වැසුනා
පිටකෙනෙක් කර
උදව්වට ස්තූති කෙරුවාම
නුඹ හින්දා දුරස්කල ලඟින් හිටි සෙනෙහස
බොක්කටම ඇදගත්ත දුම් උගුර
පිටකලා තොල් අගින් නුඹේ නම එක්ක
දුටුවාද මාව
පදුරකට මුවා වි
ඔහු සමඟ නුඹ පිටවෙනවා
බලාගෙන උන්නා
තවකෙකුට අතවනා නුඹ
ගිහින් එන්නම් කිව්වා
මම බලාගෙන උන්නා
දුටුවාද මාව
දුටුවෙ නෑ නේද?
-සුනෙත් වෙඩිවර්ධන-
No comments:
Post a Comment