හිතගියපු දා පටන් නුඹ මගේ හිත
ගැහෙන්නේ හද නොවේ මගේ හද නුඹ
පිනි පොකුරු බිම වැටුනු තන තිල්ල උඩ
මල් ගොමුව සිපගන්න මද සුලඟ නුඹ
අනත්තය ඉම පෙනෙන නිල් අඹර මැද
වළාකුළු නුඹෙ වුවන අරගත්තේ කිම
උදෑසන අතගත්ත පත්තරේ මුල
කවරයට නුඹේ රූපේ දැම්මෙ කවුරුද
හිමිදිරියෙ කන වැකෙන පැණි කුරුළු හඬ
අදහන්න බෑ උන් මුමුණන්නේ නුඹෙ නම
තරු හිනා වෙන රැට පුරා හඳ නුඹ
වණ බඹරු නැති දාට ගුමු ගුමුව නුඹ
වෙනෙදාට හූ ගාන මද සුලඟ අද
තාලයට නුඹේ නම පවසන්නේ කිම
දොළපාරේ ගලායන දිය බිදෙන හඬ
නුඹේ නම පවසනවා සේ ඇහුනා මට
දකින හැම හීනයම බදු අරන් නුඹ
අහන හැම සින්දුවෙම වචන වල නුඹ
බලන හැම කතාවෙම ඉන්නේම නුඹ
මගේ හිත අරගත්ත වරා මල නුඹ
නුඹ මගේ මල
නුඹ මගේ පණ
ආදරෙයි මම
මටත් ආදරේ දෙන්නේ
කවදාද නුඹ
-සුනෙත් වෙඩිවර්ධන-
No comments:
Post a Comment